Yfirlit frétta

Á föstudaginn verður fundur í DMP áfangastaðaáætlun haldinn á Raufarhöfn. DMP verkefnið snýst um að skipuleggja og samhæfa þróun og stýringu á öllum þeim þáttum sem geta haft áhrif á upplifun ferðamanna á viðkomandi svæði/áfangastað, þ.m.t. þarfir gesta, heimamanna, fyrirtækja og umhverfis. Því er mikilvægt fyrir alla að mæta sem vilja taka þátt í að þróa ábyrga ferðaþjónustu á svæðinu.

Þórarinn Hjartarson, syngjandi stálsmiður og sagnfræðingur, flytur LÖG TÍMANNA

Í síðasta tölublaði Bændablaðsins gaf að líta föngulegan hóp af ungum bændum og fjölskyldum þeirra. Þar voru bændur í Langanesbyggð og Svalbarðshreppi að kalla eftir aðgerðum frá stjórnvöldum vegna þess ástands sem nú er uppi í sauðfjárrækt, með stórfelldum lækkunum afurðarstöðva á kjötverði til bænda. Í viðtölunum komu fram mismunandi skoðanir á því hvaða aðgerðir séu vænlegastar en allir eru þó sammála um að við svo komið verði ekki unað. Þó að sauðfjárrækt sé sterk á svæðinu þá er alltaf hætta á að einhverjir hættir og það veikir samfélagið í heild.

Fundargerð 72. fundar sveitarstjórnar, haldinn 12. október sl.

Á laugardaginn ætlar Jóel Sæmundsson að sýna Hellisbúann í Þórsveri. Sýningin er einn vinsælasti einleikur heims og er nú settur upp hérlendis í þriðja sinn. Hellisbúinn er frásögn af lífinu sjálfu, hjónabandi, ástum og ósætti. Hellisbúinn útskýrir sína sýn á samlífið og samskipti kynjanna. Konur og karlar, og allir hinir, sem hafa einhvern tímann verið í sambandi, eru í sambandi eða langar í samband, geta skemmt sér vel og samsamað sig við sögur Hellisbúans. Jóel segist ætla að gera sitt besta til að skemmta heimamönnum en hann er sjálfur alinn upp að mestu á Þórshöfn. Hann segist hafa flutt í dýrðina árið 1989 og verið hér alla sína grunnskólagöngu, eða í 10 ár. Þaðan lá leiðin í Kópavog og síðan út til USA að spila körfubolta í skóla. Eftir stopp í Reykjavík fór hann síðan í leiklistarnám til London þar sem hann kláraði BA gráðu. Í dag býr hann í Hafnarfirði og segist búa með útsýni yfir sjóinn sem minni á heimahagana. Jóel kláraði nýlega að leika aðalhlutverk í myndinni Pity the lovers, sem er sænsk mynd sem kemur út á næsta ári. Þá hefur hann leikið í ýmsum leikritum og myndum, og var meðal annars gaurinn sem opnaði dyrnar á þyrlunni í Ófærð. Hann hefur einnig verið í ýmsum verkefnum, leikstjórn og með leiklistarnámskeið, meðal annars á Þórshöfn í fyrra.  Jóel segist mjög spenntur að koma með leikritið heim og ætli að gera sitt besta til að kitla hláturtaugar viðstaddra "Ég vona svo sannarlega að það verði góð mæting og hægt að sýna að svona sýningar eiga alveg heima útá landi, ég ætla að gera mitt besta til að fara "all inn" fyrir ykkur, djöfull hlakkar mér til...eða mig? langt síðan ég var í íslenskukennslu hjá Dagnýju sko" segir hann kátur í bragði. 

72. fundur sveitarstjórnar verður haldinn nk. fimmtudag, 12. október kl. 17, í félagsheimilinu Þórsveri og hefst fundur kl. 17:00.

Flugfélögin Air Iceland Connect og Norlandair bjóða upp á hagstæð flugfargjöld til og frá Reykjavík frá Þórshöfn um hátíðarnar.

Langar þig til að starfa í slökkviliði? Nú leitum við að nýju fólki

Í sumar og haust hefur fyrirtækið Akursels gulrætur unnið að því að flytja starfsemi sína til Þórshafnar og Þistilfjarðar. Fyrirtækið selur úrvals lífrænar gulrætur og því afar ánægjulegt að fá slíka starfsemi hingað. Eigendur fyrirtækisins eru þau Sara Stefánsdóttir og Árni Sigurðsson, ásamt foreldrum Söru Sigurbjörgu Jónsdóttur og Stefáni Gunnarssyni. Á dögunum var smá opnunarteiti þar sem þessum áfanga var fagnað, en fyrirtækið hefur nú fengið pláss í öðrum helmingi vöruskemmu Landflutninga og Ísfélagsins að Langanesvegi 1. Þar eru gulræturnar þvegnar og pakkaðar en þau keyptu ný tæki inn í húsnæðið sem er mikill munur að sögn Söru. Í sumar var nær öll uppskeran enn að Katastöðum í Öxarfirði þar sem þau hafa búið undanfarin ár, en fyrirtækið hefur nú leigt jörðina Flögu í Þistilfirði og stefnt er að því að færa ræktunina þangað. Þegar mest lætur í illgresis baráttunni eða uppskeru og pökkun, starfa um 8 manns við fyrirtækið en á ársgrundvelli eru þetta um 3-4 stöðugildi. Þorsteinn Ægir oddviti Langanesbyggðar færði þeim blóm fyrir hönd sveitarfélagsins með árnaðaróskum um farsælan rekstur.

Hægt er að greiða atkvæði utan kjörfundar, vegna alþingiskosninganna 28. okt. nk. á skrifstofu Langanesbyggðar