Tjaldsvæði Þórshafnar og Bakkafjarðar
Tjaldsvæði Langanesbyggðar eru tvö, annarsvegar á Bakkafirði og hins vegar á Þórshöfn.
Tjaldsvæðið á Þórshöfn er ofarlega í þorpinu á kyrrlátum og notalegum stað. Þaðan er öll þjónusta í þorpinu í göngufæri.
Aðstaða á tjaldsvæðinu er góð, þar eru borð og bekkir, salernisaðstaða, sturtur, rafmagn og aðstaða fyrir hjólhýsi og húsbíla.
Í íþróttahúsinu Verinu sem er örskot frá tjaldsvæðinu er aðstaðan til fyrirmyndar. Þar er stór og góð innisundlaug og heitir pottar, íþróttasalur og líkamsrækt. Þar er einnig upplýsingamiðstöðin ftrir ferðamenn og ýmis önnur aðstaða, t.d. þvottavél og þurrkari, netaðgangur og heitur reitur.
Við íþróttahúsið er sparkvöllur þar sem oftar en ekki er hægt að finna bæði með- og mótspilara.
Á Þórshöfn má finna alla almenna þjónustu s.s. heilsugæslu og apótek, veitingastað og skyndibitastað, verslun og beinsínstöð, pósthús og banka.
Tjaldsvæði Langanesbyggðar er aðili að Útilegukortinu, finna má upplýsingar um það hér.
Heimilisfang: Við Miðholt
Póstnúmer: 680 Þórshöfn
Sími / GSM: 468 1515 - 468 1220
Heimasíða: www.langanesbyggd.is
Netfang: langanesbyggd@langanesbyggd.is og sund@langanesbyggd.is
Opnunartími: 15.júní - 31.ágúst
Aðstaða fyrir:
Tjöld
Tjaldvagna/fellihýsi/hjólhýsi
Húsbíla
Tjaldsvæðið á Bakkafirði er við Skólagötu 5 sem er á fallegum stað miðsvæðis í þorpinu.
Aðstaða á tjaldsvæðinu er góð, þar eru borð og bekkir, salernisaðstaða, uppvöskunaraðstaða, rafmagn og aðstaða fyrir hjólhýsi og húsbíla. Hundar eru leyfðir á tjaldsvæðinu í bandi.
Sundlaug er í Selárdal í 30 km fjarlægð og á Þórshöfn í 44 km fjarlægð.
Sérstök náttúrufegurð er á Bakkafirði og sólarlagið engu líkt. Fallegar gönguleiðir eru á svæðinu t.d. út í Steintún og út í Digranesvita.
Nýja smábátahöfnin er staðsett innan við þorpið og er skemmtilegt að ganga þangað en á leiðinni er falleg á, Hafnará sem gaman er að vaða í og jafnvel synda í hylum þar.
Heimilisfang: Skólagata 5
Póstnúmer: 685 Bakkafjörður
Sími / GSM:
Heimasíða: www.langanesbyggd.is
Netfang:
Opnunartími: 1.júní - 31.ágúst
Aðstaða fyrir:
Tjöld
Tjaldvagna/fellihýsi/hjólhýsi
Húsbíla