Yfirlit frétta

Þeir voru samir við sig jólasveinarnir á Þorláksmessukvöld á Þórshöfn. Komu með látum þar sem bæjarbúar voru að syngja við jólatréið og voru nú svo góðir að gefa börnunum mandarínur og epli, áður en þeir skunduðu inní búðina og létu greipar sópa. Kjötkrókur kom að kassa með fulla körfu af kjöti, en þá hafði einn bróðir hans þegar nappað einu vænu lambakjötslæri og stungið af með krakkaskarann á eftir sér. Þeim lá svo á að forða sér til fjalla að þeir gleymdu einum en sneru nú við að taka hann með. Alltaf jafn gaman að þessum bræðrum og börnin gleðjast að fá þá til byggða.

Fjárhagsáætlun Langanesbyggðar árið 2018 var samþykkt samhljóða á fundi sveitarstjórnar 14. desember sl.

Sveitarstjórn hefur samþykkt innleiðingu frístundastyrks fyrir börn og ungmenni á aldrinum 6-18 ára í Langanesbyggð á almanaksárinu 2018.

Fundargerð 75. fundar sveitarstjórnar er komin inn á heimasíðuna

Græna tunnan verður tæmd á morgun, föstudag ef gengur, en ekki síðar en á laugardag, skv. upplýsingum frá Gámafélaginu.

75. fundur sveitarstjórnar Langanesbyggðar verður haldinn í félagsheimilinu Þórsveri Þórshöfn fimmtudaginn 14. desember 2017, kl. 17:00.

Þórshöfn laugardaginn 09/12

Í gær var gleðidagur í Langanesbyggð þegar fyrsta skóflustungan var tekin að nýjum leikskóla. Edda Jóhannsdóttir, einn af fyrstu starfsmönnum Barnabóls tók sér skóflu í hönd og byrjaði að moka. Leikskólabörnin létu ekki sitt eftir liggja enda spennt og búin að bíða allan daginn eftir að fá að moka. Þau sungu fyrst tvö lög fyrir gestina af mikilli einlægni. Þorsteinn Ægir Egilsson, oddviti Langangesbyggðar flutti stutta tölu og bauð gesti velkomna. " Hér í dag er ætlunin að taka fyrstu skóflustunguna að nýju húsnæði fyrir leikskólann okkar og um leið halda áfram þeirri vegferð að bæta aðstöðu barna til skemmri og lengri tíma. Það sem er að gerast hér í dag er áframhaldandi endurnýjun og uppbygging á þeim fasteignum sveitarfélagins sem snúa að skólamálum og vitum við það öll sem hér erum að hagur barnanna okkar á að vera í fyrirrúmi. Ég er stoltur af því skrefi sem við erum að taka hér í dag og tel ég þetta vera samfélaginu öllu til heilla að hefja þessar framkvæmdir og um leið að stefna að því að ljúka þeim fyrir skólabyrjun haustið 2018." Þorsteinn rifjaði aðeins upp sögu leikskólans og sagði það heiður fyrir sig, sem áður var í leikskólanum hjá Eddu, að hafa hana í því hlutverki að taka þetta skref að nýjum leikskóla. Edda er sannarlega vel að þessu komin, enda starfaði hún í 32 ár við leikskólann og margir sem eiga góðar minningar um dvölina hjá henni þar. Skóflustungan var tekin á lóðinni við hliðina á núverandi húsnæði Barnabóls, en það hús var tekið í notkun árið 1983. Þar áður hafði leikskólinn verið í kjallaranum hjá Eddu og í Félagsheimilinu. Árið 2001 var síðan fest kaup á Hálsvegi 3 sem bráðabirgðahúsnæði, enda stóð til að byggja við leikskólann. Það má því segja að það sé kominn tími á þetta og verður þetta mikil lyftistöng fyrir sveitarfélagið, sem og Svalbarðshrepp sem tekur þátt í byggingu leikskólans. Kári blés hressilega á viðstadda enda vetrartíð, en eftir að skóflustungan hafði verið tekið var viðstöddum boðið upp á pizzu á barnum.

Fyrsta skóflustunga að nýjum leikskóla verður tekin á miðvikudaginn 6. desember nk. kl. 15:30.

Á föstudaginn var Grænfánanum flaggað á Barnabóli en þetta er í þriðja sinn sem leikskólinn uppfyllir skilyrði til að fá viðurkenningu sem Grænfánaleikskóli. Viðurkenningin er veitt til tveggja ára í senn og voru börnin spennt að draga fánann að húni. Almar Marinósson afhenti þeim fánann fyrir hönd Landverndar og spurði börnin aðeins út í hvaða merkingu þetta hefði. Ekki stóð á svörum, það var að henda ekki rusli, tína upp rusl ef þau sjá það, lita báðu megin á blöðin og nota blöð aftur, flokka rusl, auk fleiri skemmtilegra upplýsinga.