Yfirlit frétta

Í dag var útsýnispallurinn á Skoruvíkurbjargi hífður niður á undirstöðurnar og gekk það vonum framar. Útsýnispallurinn á Skoruvíkurbjargi er einstakur á landsvísu og jafnvel heimsvísu. Þetta er því stór dagur fyrir Langanesbyggð og fyrir ferðaþjónustuaðila á Norðausturlandi en pallurinn mun án efa verða aðdráttarafl ferðamanna um ókomna tíð.

Nú styttist í upphaf ferðasumarsins 2014 en segja má að það hefjist með komu skemmtiferðaskipsins Fram sem kemur 31. maí n.k. Unnið hefur verið markvisst að því í Langanesbyggð að undirbúa sumarið með því að fjölga afþreyingarmöguleikum og má þar nefna uppsetningu útsýnispalls á Skoruvíkurbjargi, með uppsetningu upplýsingaskilta sem sett verða upp í sumar og útgáfu Ævintýrakorts barnanna svo að dæmi séu tekin. Þá var einnig glæsileg umfjöllun um Langanesbyggð í nýjasta blaði Icelandic Times Umfjöllunina má lesa með því að smella hér.

Langanesbyggð auglýsir eftir áhugasömum einstaklingi til að gerast dagforeldri á Bakkafirði. Viðkomandi þarf að geta hafið störf í sumar. Til greina kemur að sveitarfélagið leggi til húsnæði undir starfsemina.

Langanesbyggð leitar að hafnarvörðum á Bakkafjörð og á Þórshöfn. Höfnin á Þórshöfn er ein af stærstu höfnum landsins í tonnum talið og um hana fer mikið af afurðum. Starfið á Bakkafirði er sambland af hafnarvörslu og starfi við áhaldahús á Bakkafirði. Umsóknarfrestur er til og með 13. maí n.k. Æskilegt er að nýr hafnarvörður geti hafið störf sem fyrst.

Sveitarstjórnarkosningar fara fram laugardaginn 31. maí 2014. Frestur til að skila framboðslistum er til kl. 12:00 á hádegi laugardaginn 10. maí 2014. Framboðum, ásamt nauðsynlegum fylgigögnum, skal skila til yfirkjörstjórnar Langanesbyggðar á skrifstofu Langanesbyggðar, Fjarðarvegi 3, Þórshöfn laugardaginn 10. maí, frá kl 10:00-12:00.

Fundargerð sveitarstjórnar Langanesbyggðar haldinn 30. apríl 2014

Á fundi sínum s.l. miðvikudag fjallaði sveitarstjórn Langanesbyggðar um viðbyggingu við grunnskólann á Þórshöfn. Undanfarna mánuði hefur staðið yfir vinna við þarfagreiningu og hönnun á mannvirkinu sem nú er á lokastigi.

Í dag var bjargnytjum 2014 úthlutað á skrifstofu Langanesbyggðar. Alls bárust 8 umsóknir.

Á grundvelli 1. mgr. 1. gr. laga um kosningar til sveitarstjórna nr. 5/1998, með síðari breytingum, fara almennar sveitarstjórnarkosningar fram 31. maí 2014. Frestur til að skila framboðslistum til yfirkjörstjórnar í viðkomandi sveitarfélagi er til kl. 12 á hádegi laugardaginn 10. maí 2014. Sveitarstjórnarmenn sem hyggjast skorast undan endurkjöri skulu tilkynna þá ákvörðun til yfirkjörstjórnar fyrir lok framboðsfrests.

Ferðafélagið Norðurslóð stendur fyrir göngu með gestabók á Gunnólfsvíkurfjall við Bakkaflóa. Gengið verður á fjallið þann 3. maí n.k. Lagt upp frá keðjunni á veginum upp á fjallið kl. 11:00. Gunnólfsvíkurfjall hefur verið tilnefnt í verkefnið „Fjölskyldan á fjallið“ þetta árið.