Yfirlit frétta

Í dag var undirritaður formlegur samstarfssamningur á milli Menningarmiðstöðvar Þingeyinga og Sauðanesnefndar, þar sem sýningin í Sauðaneshúsi og rekstur safnsins heyra nú undir starfssemi Menningarmiðstöðvarinnar. Mikil ánægja er með samstarfið bæði hjá heimamönnum og forsvarsmönnum menningarmiðstöðvarinnar. Eftir sem áður á Þjóðminjasafn Íslands húsið sjálft en munirnir sem eru á safninu tilheyra því og verða ekki færðir annað. Elías sveitarstjóri undirritaði samninginn fyrir hönd Sauðanesnefndar og var nefndinni þakkuð fyrir vel unnin störf undanfarin ár. Það er þó stefnt að því að heimamenn komi að safninu og stefnumótun í gegn um Menningarmiðstöðina og hollvinasamtök hússins.

Skrifstofustjóri óskast til starfa á skrifstofu Langanesbyggðar á Þórshöfn. Umsóknarfrestur er til 22. maí n.k. Leitað er eftir metnaðarfullum, hugmyndaríkum og kraftmiklum einstaklingi til að takast á við ögrandi og spennandi verkefni.

Undirbúningur er hafinn að stefnumótun fyrir Sóknaráætlun Norðurlands eystra 2015-2019, í samræmi við samning milli ríkisins og Eyþings. Ákveðið hefur verið að halda fjóra opna svæðafundi til að ræða framtíð svæðanna og landshlutans og safna hugmyndum og forgangsraða þeim.

Laugardaginn 9. maí lýkur Tónlistarskólinn vetrarstarfi sínu með glæsilegum tónleikum í Þórsveri sem hefjast kl.14.00

Hrói höttur ásamt félögum úr ýmsum ævintýrum verða í grunnskólanum á Bakkafirði næstkomandi föstudag

Atvinnu- og ferðamálanefnd Vopnafjarðar ásamt Langanesbyggð standa fyrir fundi um ferðamál þann 5. maí , kl. 13:00 – 15:50. Fundurinn verður haldinn í Kaupvangskaffi í Kaupvangi á Vopnafirði. Dagskrá: 13:00 – 13:05 : Ávarp ferða- og menningarmálafulltrúa Vopnafjarðar 13:05 – 13:35 : Markaðsfulltrúi Austurbrúar – Hver er stefna Austurlands 13:35 – 13:50 : Gunnar Jóhannesson, verkefnastjóri hjá Fjallasýn – Ferðamál á Langanesi 13:50 – 14:20 : Íslandsstofa – Markaðssetning Íslands – uppbygging áfangastaðar, hvað þarf til. 14:20 – 14:35 – Kaffi 14:35 – 15:35 – Hugmyndaregn um hvað einkennir ferðaþjónustusvæðið Vopnafjörð og Langanes 15:35 – 15:50 – Ferðamálafulltúri Langanesbyggðar - Samantekt Fundarstjóri: Ólafur Áki Ragnarsson, sveitarstjóri Vopnafjarðarhrepps Þátttaka sem flestra íbúa og hagsmunaaðila svæðanna vel þegin Verið velkomin

Athugið að 1 maí hlaupinu verður frestað vegna veðurs. Endilega látið berast. Eftir sem áður þá er frítt í íþróttahúsið í dag í boði Verkalýðsfélags Þórshafnar og súpa og brauð í hádeginu. Hvetjum alla til að nýta sér það.

Sumarstarfsmaður óskast í áhaldahúsið á Þórshöfn frá og með 20. maí n.k. Viðkomandi þarf að vera tilbúinn til að takast á við fjölbreytt viðfangsefni og ganga í öll störf í áhaldahúsi.

Auglýst er eftir flokksstjóra við vinnuskólann á Þórshöfn í sumar, frá og með 1. júní til 31. júlí. 2015.

Föstudaginn 1 .maí verður hið árlega Langaneshlaup UMFL. Þar geta ALLIR verið með því það er í góðu lagi að labba, skokka, hlaupa eða hjólaJ Mældar verða vegalengdirnar 1,5km, 3km, 5km, 7km, 10km, 15km og hálft maraþon eða 21,2km. Ræst verður frá íþróttahúsinu kl.9:30 í 15km og 21.2km og kl. 10:30 fyrir allar hinar vegalengdirnar. Ekkert þátttökugjald og allir fá verðlaunapening í viðurkenningarskyni og smá hressingu í lokinn. Verkalýðsfélag Þórshafnar býður ÖLLUM frítt í Íþróttamiðstöðina frá kl. 11-14 og súpu og brauð í hádeginu. Því er tilvalið fyrir alla fjölskylduna að eiga frábæran dag saman sem byrjar á hreyfingu, skella sér í sund og fá sér svo súpu og brauð á eftirJ ATH:foreldrar eru hvattir til að koma með yngri börnum til að passa upp á að þau fari ekki of langt og komist aftur til baka Vonumst til að sjá sem flesta og ALLIR eru velkomnirJ Stjórn UMFL