Yfirlit frétta

Nú liggur það fyrir að Langanesbyggð mun taka þátt í spurningakeppninni Útsvari í vetur og að sjálfsögðu er markið sett á sigur en fyrsta keppnin verður þann 30. október á móti Kópavogi. Úrvalsfólk hefur verið valið sem fulltrúar okkar og treystum við á liðsstjórann að setja saman stíft æfingarprógramm. Við kynnum þau hér til sögunnar:

Tónlistarskóli Langanesbyggðar hefur nú fengið í notkun vandaðan hleðslumagnara sem hægt er að tengja bæði við hljóðfæri og mikrafón. Magnarinn var keyptur í sumar fyrir verkefnið Spilað fyrir hafið, sem Langanesbyggð stóð fyrir, enda ekkert rafmagn í vitanum á Fonti og því var ákveðið að kaupa góðan maganara sem myndi síðan nýtast tónlistarskólanum. Kadri tónlistarkennari var alsæl með nýju græjuna og sagðist vera búin að langa lengi í svona fyrir skólann. Með því að hlaða magnarann er hægt að tengja hljóðfæri við hann og spila tónlist út um móa og mel. /GBJ

Í gær var opið hús hjá lögreglunni á Þórshöfn eftir gagngerar endurbætur á húsnæðinu. Ráðast þurfti í miklar framkvæmdir, bæði að skipta um lagnir, brjóta upp gólf og fleira, og var í leiðinni endurnýjað innanhúss bæði fangaklefar sem og bætt vinnuaðstaða fyrir lögreglumenn og sýslumann. Yngri kynslóðinni þótti áhugavert að skoða lögreglustöðina og fengu líka góðar mótttökur og veitingar, enda mikilvægt að brýna fyrir börnunum að lögreglan er góði gæinn og þau eiga að vera óhrædd að leita aðstoðar þeirra. /GBJ

31. fundur sveitarstjórnar Langanesbyggðar verður haldinn í félagsheimilinu Þórsveri á Þórshöfn fimmtudaginn 10. september 2015 og hefst kl 17:00

Bókasafnadagurinn og Alþjóðlegur dagur læsis er á þriðjudaginn, 8. september 2015. Stutt dagskrá verður á bókasafninu, 2. hæð íþróttamiðstöðvarinnar og hefst kl. 17:30. Börn og fullorðnir lesa, ýmist frumsamið efni eða úr uppáhaldsbókum. Heitt verður á könnunni, allir velkomnir.

Hrútadagsnefndin sendir frá sér eftirfarandi skilaboð: Kæru bændur. Hrútadagurinn verður haldin laugardaginn 3. október og var Hrútadagurinn í fyrra sá stærsti hingað til þó að sala á hrútum hefði mátt vera betri. Undirstaða Hrútadagsins er að bændur mæti með hrúta og að þeir seljist og við viljum endilega heyra ykkar hugmyndir um hvernig hægt sé að láta þann þátt dagsins verða enn betri. Eins óskum við eftir skráningum þeirra bænda sem hugsa sér að koma með hrúta og erum við spennt að heyra frá ykkur. Þið getið haft samband við Nönnu í síma 8688647 / 4621288 og á netfangið nannast@internet.is. Við vonum að þið sjáið ykkur fært að mæta með hrútana ykkar á Hrútadaginn í ár :)

Í sumar hafa hjónin á Felli í Bakkafirði, Reimar Sigurjónsson og Dagrún Þórisdóttir unnið að því að setja upp smáhýsi sem leigt verður út. Stefnan er sett á að fá annað hús næsta sumar og sjá svo hvernig málin þróast. Þau stefna einnig að því að geta farið í einhverja veitingaþjónustu fyrir gestina og geta þá notað heimaafurðir, en þau búa með sauðfé, geitur, hesta, hunda, hænur og gæsir.

Gangaseðill Langanesbyggðar 2015 hefur verið samþykktur.

Ferðafélagið Norðurslóð stendur fyrir göngu um svokallaðan eyðibýlahring á Langanesi næsta laugardag, 29. ágúst. Fræðst verður um sögu bæjanna og byggðarinnar, umhverfið og fjöllin.

Eftirtaldir réttardagar hafa verið ákveðnir og gangnaseðill mun birtast í lok vikunar og verður póstlagður á fimmtudag.