Yfirlit frétta

Aðalfundur Ungmennafélags Langnesinga verður haldinn miðvikudaginn 22. febrúar.

Fundargerð 59.fundar sveitarstjórnar Langanesbyggðar

Jónas Egilsson hefur verið ráðinn sem skrifstofustjóri Langanesbyggðar. Jónas er stjórnmálafræðingur að mennt. Hann hefur víðtæka reynslu af sveitarstjórnarmálum, rekstri og stjórnun. Hann hefur ennfremur komið víða við í félagsmálum. Hann sagðist aðspurður hlakka til að takast á ný og fjölbreytt verkefni í góðu samfélagi sem hefði fjölmörg tækifæri. Foreldrar Jónasar voru Erna Ingólfsdóttir verslunarmaður og Egill J. Stardal kennari. Þau eru bæði látin. Jónas á þrjá syni, tvo uppkomna og einn sem lýkur námi í grunnskóla í vor. Ráðningin er vegna veikinda og fæðingarorlofs núverandi skrifstofustjóra. Jónas hefur störf nú í lok febrúar og er boðinn velkominn til starfa.

Holræsabíll verður á Þórshöfn í dag 16.febrúar

59.fundur sveitarstjórnar Langanesbyggðar í Þórsveri 16.febrúar kl.17.00

Bebbi á Þórshöfn þennan ameríska dag 14.febrúar

Á laugardaginn gerðu íbúar Þórshafnar og nágrennis sér glaðan dag á hinu árlega þorrablóti. Í ár var sú nýjung að hafa borðhaldið í íþróttahúsinu en dansleikinn í Þórsveri. Nefndin var búin að leggja á sig mikla vinnu við undirbúning og skilaði það sér í alveg þrusu góðu blóti. Tæplega 300 manns sátu borðhaldið og voru margir gestkomandi, enda allir vegir auðir í þessu tíðarfari. Hin besta skemmtun þar sem kíkt var í ýmis horn samfélagsins og svo var hljómsveitin SOS með dúndrandi ball fram eftir nóttu. /GBJ

Viðlagatrygging Íslands (VTÍ ) kom í heimsókn í gær en heimsóknin er liður í átaki stofnunarinnar til að bæta þekkingu á hlutverki hennar og skráningu opinberra mannvirkja í eigu sveitarfélaganna sem vátryggð eru hjá VTÍ. Fundarmenn áttu góðar og markvissar samræður um vátryggingavernd mannvirkja í eigu sveitarfélagsins og um mikilvægi þess að skráð verðmæti þeirra sé uppfært reglulega til að tryggja að eignirnar séu vátryggðar að fullu áður en vátryggingaratburður á sér stað. Einnig var rætt um mikilvægi samvinnu sveitarfélagsins og VTÍ til að stuðla að markvissri endurbyggingu sveitarfélagsins ef til tjónsatburðar kemur. Á fundinum var rætt um mikilvægi þess að íbúar séu meðvitaðir um hvort vátryggingavernd þeirra sé í lagi. Fram kom á fundinum að ef innbú er vátryggt almennri lausafjártryggingu hjá vátryggingafélagi rennur hluti iðgjaldsins til VTÍ og tryggir þannig vátryggingavernd innbúsins komi til tjóns af völdum jarðskjálfta, eldgosa, vatns-, aur- eða snjóflóða skv. skilgreiningum laga um VTÍ (55/1992). Ef slík vátrygging er ekki til staðar greiðast engar bætur vegna innbús ef til tjóns kemur. Allar fasteignir eru hins vegar skylduvátryggðar gegn náttúruhamförum og eru iðgjöldin innheimt samhliða brunatryggingum fasteigna hjá almennu vátryggingafélögunum.

Vertu klár á blótið