Yfirlit frétta

Fundargerð 76. fundar sveitarstjórnar frá 25. janúar sl., er komin á heimasíðuna

Á laugardaginn verður gleði mikil þegar Þorrablót verður haldið á Þórshöfn. Nefndin er byrjuð að stilla upp salnum en ekki mátti gefa upp þemað í ár og var því smellt af mynd í dag. Borðhaldið verður í íþróttahúsinu og því nóg pláss fyrir alla, að borðhaldi loknu mun hljómsveitin SOS láta dansinn duna í Þórsveri. Nefndin vekur athygli á að á laugardaginn er hægt að sækja miða á milli kl 15-17 í íþrottahúsinu og koma með matartrog á sama tíma. Húsið opnar stundvíslega kl 19.30 og borðhald hefst kl. 20

Vegna veðurs verður sorphirðu, sem átti að vera í dag, skv. dagatalinu, frestað til morguns eða föstudags.

76. fundur sveitarstjórna Langanesbyggðar verður haldinn í félagsheimilinu Þórsveri kl. 17, fimmtudaginn 25. janúar nk.

Búið er að reisa nýjan söluskála fyrir N1 á Þórshöfn og er nú óskað eftir áhugasömum rekstraraðila. Nýja húsnæðið er 120 fermetrar og hentar vel til reksturs söluskála og kaffihúss, með möguleika á öðrum þjónustuútfærslum. Áhugasömum er bent á að hafa samband við Guðnýju Rósu Þorvarðardóttur, gudny@n1.is, eða í síma 440-1020

Nýtt sorphirðudagatal er komið á heimaíðuna hjá okkur fyrir nýhafið ár er komin á heimasíðuna

Viðgerð stendur nú yfir á vatnslögn á Hálsvegi og Lækjarvegi. Því verður afhending stopul á meðan, en viðgerðum lýkur að öllum líkindum fyrir kl. 18 í kvöld, föstudag.

Tekið verður á móti endurnýjanlegum umbúðum á morgun, fimmtudaginn 11. janúar, milli kl. 13 og 16.

Þeir voru samir við sig jólasveinarnir á Þorláksmessukvöld á Þórshöfn. Komu með látum þar sem bæjarbúar voru að syngja við jólatréið og voru nú svo góðir að gefa börnunum mandarínur og epli, áður en þeir skunduðu inní búðina og létu greipar sópa. Kjötkrókur kom að kassa með fulla körfu af kjöti, en þá hafði einn bróðir hans þegar nappað einu vænu lambakjötslæri og stungið af með krakkaskarann á eftir sér. Þeim lá svo á að forða sér til fjalla að þeir gleymdu einum en sneru nú við að taka hann með. Alltaf jafn gaman að þessum bræðrum og börnin gleðjast að fá þá til byggða.

Fjárhagsáætlun Langanesbyggðar árið 2018 var samþykkt samhljóða á fundi sveitarstjórnar 14. desember sl.