Yfirlit frétta

Í nokkur ár hefur Þekkingarnet Þingeyinga ráðið til sín sumarnema ef styrkir hafa fengist í verkefni. Í ár fengust tveir styrkir frá Nýsköpunarsjóði Námsmanna til að vinna að verkefnum í Langanesbyggð. Þær Aldís Gunnarsdóttir og Bryndís Þórðardóttir hafa setið við vinnu í Menntasetrinu í sumar, á meðan aðrir starfsmenn sóluðu sig í sumarblíðunni. Aldís vinnur að verkefni sem snýr að sjávarútvegssögu Þórshafnar í máli og myndum. Hún hefur tekið nokkur viðtöl í sumar og vinnur úr þeim skemmtilegt efni til að krydda uppá verkefnið "Söguslóð um Þórshöfn" þar sem ljósmyndum hefur verið safnað saman úr þorpinu. Bryndís vinnur að verkefni sem heitir Litlir landkönnuðir - ævintýrakort barnanna fyrir Bakkafjörð, Langanes og Þistilfjörð. Þar hefur hún safnað saman ýmsu fræðsluefni, upplýsingum og ljósmyndum af svæðinu, sem áætlað er að setja saman í skemmtilegt ævintýrakort fyrir börn og fullorðna.

Í mörg ár hefur það lúxusvandamál háð sveitarfélaginu að fjöldi ungra barna á hvern íbúa er í meira lagi. Fullt hefur verið í leikskólann og margir lent í vandræðum með dagvistun. Nýverið gerði Langanesbyggð reglugerð um niðurgreiðslur til dagforeldra og reynt að liðka til fyrir starfssemi af þessu tagi. Nú hafa tvær kjarnakonur ráðið bót á þessu og opnað dagheimilið Sjónarhól. Þetta eru þær Oddný Kristjánsdóttir og Margrét Eyrún Níelsdóttir, en sú síðarnefnda á sjálf tvíbura á dagheimilinu sem ekki komust strax að á leikskólanum. Þær stöllur eru nú með börn í aðlögun og tekur dagheimilið formlega til starfa á mánudaginn. Í dag var strax komið fjör í þetta, enda sex börn á staðnum. Enn er laust pláss fyrir þá sem vilja nýta sér þessa frábæru þjónustu. /GBJ

Aflraunakeppnin Austfjarðartröllið 2013 verður haldið á Austurlandi dagana 15.-17. ágúst n.k.

Nú er afrakstur áheitahlaupsins sem var í vor er kominn í hús, ný róðrarvél, handlóð og lóðaplötur.

Á dögunum veitti Atvinnu-, ferða- og menningarmálanefnd Langanesbyggðar viðurkenningu fyrir árið 2013. Það var farfuglaheimilið að Ytra-Lóni sem fékk viðurkenningu nefndarinnar fyrir vel heppnaða uppbyggingu í ferðaþjónustu sem og framlag til menningarmála.

Þann 18 júlí sl staðfesti umhverfis- og auðlindaráðherra aðalskipulag Langanesbyggðar 2007-2027 og hefur það nú verið auglýst í B-stjórnartíðindum.

Það var lifandi markaðsstemming við höfnina á Þórshöfn í dag. Þar mátti finna ýmsan söluvarning, smakka lifandi kúfisk og fiskisúpu, en einnig var opið í Gallerí Beitu og Styrk í gömlu sundlauginni. Dagskráin heldur áfram í kvöld með dansleik í Þórsveri og þar verður eflaust mikið stuð.

Dagskrá kátra daga 2013

Þórshafnarbúar fengu skemmtilega og óvænta heimsókn í morgun

Þórshafnarbúar og nærsveitungar takið eftir