Yfirlit frétta

Í vor hafa hreindýr gert sig heimkomin í Langanesbyggð, fjöldi dýra hafa verið fastagestir á Bakkafirði og á túnunum nærri Þórshöfn hafa nokkur dýr sést nokkrum sinnum. Þetta er ekki algeng sjón hér um slóðir og hafa heimamenn gaman af þessum fallegu dýrum. Í dag voru þessi dýr í rólegheitunum á túnunum nærri Fossá en röltu af stað þegar ljósmyndari nálgaðist.

Opnað hefur verið fyrir umsóknir í Vinnuskóla Langanesbyggðar fyrir árið 2016. Vinnuskólinn hefst miðvikudaginn 1. júní og lýkur 29. júlí.

Auglýst er eftir flokkstjórum við vinnuskólana á Þórshöfn og Bakkafirði í sumar. Viðkomendur þurfa að geta hafið störf sem fyrst.

Langanesbyggð óskar eftir aðilum til refaleitar og grenjavinnslu í sveitarfélaginu. Áhugasamir eru beðnir um að staðfesta áhuga sinn við sveitarstjóra Langanesbyggðar fyrir 20.05 2016.

Móttaka heyrnarfræðinga á Norðurlandi/Langanesi!

Leiksýning á Bakkafirði föstudaginn 6.maí kl.18.00, boðið upp á kjötsúpu að sýningu lokinni. Árshátíð Grunnskólans á Bakkafirði þar sem nemendur munu leika og syngja af sinni einskæru snilld

Um árabil hafa söfnuðir Langanesprestakalls og Hofsprestakalls staðið sameiginlega fyrir messu á degi aldraðra, sem haldinn er hátíðlegur á Uppstigningardegi, til skiptis í prestaköllunum og boðað til fagnaðar eftir athöfn.

Sunnudaginn 8.maí kl.14.00 – 16.00 verður markaðsdagur í Þórsveri og eru allir velkomnir með varning til að selja, nýjar sem notaðar vörur, handavinnu, nýbakað eða hvað sem fólki dettur í hug.

Í dag var haldið uppá 90 ára afmæli Verkalýðsfélags Þórshafnar með glæsilegri dagskrá. Karlakór Akureyrar þandi raddböndin í Þórshafnarkirkju svo unun var á að hlusta. Í lokin tóku allir tónlistargestir undir og sungu Maístjörnuna. Þar á eftir voru kaffiveitingar í Þórsveri sem Kvenfélagið Hvöt töfraði fram. Heimafólk fjölmennti og naut veitinganna, og í lokin var uppistand hjá Hundi í óskilum. Flott dagskrá á þessum merku tímamótum.

Fundargerð 46. fundar sveitarstjórnar Langanesbyggðar hefur nú verið birt á netinu. Hana má nálgast með því að smella hér.