Yfirlit frétta

Börnin í Grunnskólanum á Þórshöfn eru þar engin undantekning en þar hefur verið mikið fjör að undanförnu.

Fiskistofa auglýsir eftir umsóknum um byggðakvóta til fiskiskipa fyrir eftirtalin byggðarlög skv. Ákvæðum reglugerðar nr. 605/2015 um úthlutun byggðakvóta til fiskiskipa á fiskveiðiárinu 2015/2016

Drögin eru til skoðunar, á skrifstofu sveitarfélagsins, frá 08.12-2015 til 18.12.2015 og er það sá frestur sem gefinn er til að gera skriflegar athugasemdir.

VIÐ ARINELD vetur, aðventa og jól Tónleikar í skólahúsinu á Kópaskeri föstudaginn 11. desember kl. 20:30 Þórhildur Örvarsdóttir, söngur og Daníel Þorsteinsson, píanó

Ungmennafélagi Langnesinga barst góður liðsauki í vikunni þegar landsliðsmaðurinn Viðar Örn Kjartansson tók fótboltaæfingu með krökkunum. Þau voru að vonum alsæl enda ekki á hverjum degi sem svona tækifæri gefst. Viðar Örn spilar nú með Jiangsu Guoxin-Sainty í Kína en þar áður var hann hjá Vålerenga í Noregi. Við getum víst ekki eignað okkur kappann en hann er hér í heimsókn hjá móður sinni sem hefur búið í nokkur ár á Þórshöfn. Frábært fyrir íþróttakrakkana okkar að kynnast svona flottri fyrirmynd, sem sýnir að allt er hægt ef viljinn er fyrir hendi./GBJ

Ríkislögreglustjóri hefur ákveðið að lýsa yfir óvissustigi á landinu vegna óveður. Taka þarf inn trampólín og annað lauslegt úr görðum, tryggja lausar kerrur. moka frá niðurföllum og þess háttar.

Aðventuhátíð sem átti að vera í kvöld í Þórshafnarkirkju frestast vegna veðurs. Nánar auglýst síðar. Sóknarnefndin

Í vikunni voru jólatónleikar hjá nemendum Tónlistarskólans sem stunda nám á Þórshöfn. Spilað var á hin ýmsu hljóðfæri og greinilegt að metnaður er í skólastarfinu. Síðasta atriðið var samspil allra nemenda og að lokum var kaffisala til styrktar tónlistarskólanum, en það er nýstofnað foreldrafélag tónlistarskólans sem sá um kaffiveitingar. Jólatónleikar nemenda á Bakkafirði verða miðvikudaginn 9. desember.

Síðastliðinn föstudag var afmælishátíð í grunnskólanum á Bakkafirði en 30 ár eru liðin síðan skólahúsnæðið var tekið í notkun. Nemendur fóru vel yfir skólasögu gamla Skeggjastaðahrepps, kynntu farskólann, skólann á Skeggjastöðum og Grunnskólann á Bakkafirði. Aðalbjörg Jónasdóttir var með frásagnir frá farskólanum og heimavistinni á Skeggjastöðum en hún var stundaði nám í þeim báðum. Nemendur spiluðu og sungu lög með textum eftir skáldin úr hreppnum Örn Arnarsson og Kristján frá Djúpalæk. Ísfélag Vestmannaeyja á Þórshöfn gaf Grunnskólanum á Bakkafirði 100.000 kr til eflingar á raungreinum. Að sjálfsögðu voru svo góðar veitingar fyrir gesti. /GBJ

Jólatónleikar Tónlistaskóla Langanesbyggðar, nemendur á Þórshöfn. Í félagsheimilinu Þórsveri í dag 1. desember 2015 klukkan 17:00. Allir velkomnir og aðgangur er ókeypis.