Yfirlit frétta

Sú ánægjulega sjón blasir nú við bæjarbúum að framkvæmdir eru hafnar við elsta hús þorpsins. Það er húsið Sandvík sem Guðjón Gamalíelsson á og var hann þar við annan mann í morgun að rífa nærri 100 ára gamalt þakjárn af húsinu. Húsið hefur staðið óhreyft nokkuð lengi en Þórshamar, húsið við hliðina hefur verið endurnýjað með miklum myndarbrag. Við hvetjum Guðjón til dáða, það verður sómi af því að endurnýja húsið þar sem flest gömlu húsin okkar eru farin. /GBJ

Vatnslaust verður á Þórshöfn fyrir ofan Vesturveg og Austurveg þ.e.a.s. í Langanesvegi, Pálmholti og Langholti frá kl 16-18 í dag, þriðjudaginn 14. október. Íbúar eru beðnir velvirðingar á þeim óþægindum sem þessu fylgja.

10. fundur sveitarstjórnar Langanesbyggðar verður haldinn í félagsheimilinu á Þórshöfn miðvikudaginn 15. október 2014 og hefst kl 17:00

Nú er komið að því – Leikfélag Þórshafnar boðar til fundar mánudaginn 13. október kl 20.30 í Menntasetrinu. Ýmis mál til umræðu s.s. leiklistarnámskeið, 1. des skemmtun og svo vantar áhugasama í stjórn. Óskum sérstaklega eftir nýjum og gömlum félögum, allir geta tekið þátt hvort sem er á sviði eða við önnur störf sem fylgja. Hlökkum til að sjá ykkur Leikfélagið

Hinn árlegi Jólamarkaður á Þórshöfn verður haldinn í íþróttahúsinu 8. nóvember 2014. Eins og vanalega verður fjöldi verslana á staðnum og eitthvað fleira til gamans gert. Þeir sem vilja koma með sölubás er bent á að hafa samband við Grétu Bergrúnu í síma 847-4056 eða gretabergrun@simnet.is. Á facebook síðu markaðarins má fylgjast með framvindu mála í aðdraganda þessa skemmtilega dags. Takið daginn frá. /GBJ

Jafnréttisstofa verður með opinn súpufund sem ber yfirskriftina "Skiptir kyn máli" á Bárunni fimmtudaginn 9. október n.k og hefst hann kl 12:00

Rafmagnslaust verður í Öxarfirði, Kelduhverfi, Melrakkasléttu, Þistilfirði, Langanesi og Bakkafirði aðfaranótt mánudagsins 6. október n.k., frá miðnætti til kl. 4 vegna vinnu á Kópaskerslínu.

Skemmdir urðu á bryggjunni á Þórshöfn við árekstur flutningaskips þar í morgun

Fundargerð sveitarstjórnar Langanesbyggðar 30. september 2014

Sveitarstjórn Langanesbyggðar samþykkti á fundi sínum þann 28. ágúst 2014 að auglýsa tillögu að deiliskipulagi athafnasvæðis við Langholt, Þórshöfn, skv. 1. mgr. 41. gr. skipulagslaga nr. 123/2010.