Yfirlit frétta

Opið hús verður í bókasafninu miðvikudaginn 4. febrúar frá kl. 17:00 -18:00. Nemendur úr grunn- og tónlistarskólanum kynna barnabókarithöfundinn Astrid Lindgren með upplestri og hljóðfæraleik.

16. fundur sveitarstjórnar Langanesbyggðar verður haldinn í Menntasetrinu á Þórshöfn fimmtudaginn 29. janúar 2015 og hefst kl 17:00.

Mánudaginn 2. febrúar munu Lilja Rögnvaldsdóttir og Drengur Óla Þorsteinsson fjalla um ferðaþjónustumál. Lilja Rögnvaldsdóttir fjallar um niðurstöður ferðaþjónustukönnunar sem gerð var á Húsavík og í Þingeyjarsýslum og Drengur Óla Þorsteinsson fjallar um hvaða leiða er hægt að leita í ferðaþjónustu í Langanesbyggð. Fyrirlestrarnir verða í Þórsveri kl 16:30.

Veiting nýsköpunarverðlauna og viðurkenninga í opinberri þjónustu og stjórnsýslu 2015 fór fram í gær á hádegisverðarfundi á Grand hóteli. Langanesbyggð tilnefndi vinnustofuverkefnið í Grunnskólanum á Bakkafirði og hlaut það sérstaka viðurkenningu

Máttur kvenna er 11 vikna nám fyrir konur sem vilja öðlast þekkingu og færni í rekstri fyrirtækja. Kennsla fer fram í fjarnámi og geta nemendur því hlustað á fyrirlestra á netinu og unnið verkefnin hvenær sem þeim hentar. Námskeiðið hefst 6. febrúar nk. með vinnuhelgi á Bifröst.

Fundargerð sveitarstjórnar nr 15 Fundargerð atvinnu- menningar og ferðamálanefndar nr 4 Fundargerð fræðslunefndar nr 5 Fundargerð íþrótta- og tómstundanefndar nr 4 Fundargerð landbúnaðarnefndar nr 4

Á Þorláksmessu er skemmtileg hefð fyrir skötuveislu á Bakkafirði og eru heimamenn duglegir að mæta til að gera kræsingunum góð skil. Áki Guðmundsson tók þessar myndir nú í desember en veislan er haldin í grunnskólanum. Á boðstólum var heimabakað rúgbrauð, heimagerð rúllupylsa, harðfiskur, saltfiskur og kæst skata. /GBJ

Þann 16. febrúar rennur út umsóknarfrestur til styrkja úr Atvinnumálasjóði kvenna. Skyldi leynast viðskiptahugmynd einhversstaðar sem þarf að komast í framkvæmd? Hægt er að leita ráðgjafar hjá Grétu Bergrúnu í Menntasetrinu við styrkumsóknir og einnig hvetjum við fólk til að leita til Atvinnuþróunarfélags Þingeyinga ef það vantar aðstoð við að koma góðum hugmyndum í framkvæmd. Hér má sjá auglýsinguna.

Í nokkur ár hefur verið líflegur samgangur á milli grunnskólanna í Langanesbyggð við grunnskóla í Eistlandi og Lettlandi. Skólahópar hafa farið héðan en einnig hafa komið gestir að utan sem hafa þá gist í heimahúsum. Auk þess er Anna María Ólafsdóttir í nokkura mánaða dvöl í Lettlandi og kemur eflaust heim reynslunni ríkari í vor. Núna eru nokkrir nemendur frá okkur staddir úti og hafa meðal annars verið að skoða sig um í Riga höfuðborg Lettlands. Hægt er að fylgjast með því sem á daga þeirra drífur á fésbókarsíðu grunnskólans eða á heimasíðu skólanna bakkafjardarskoli.is og http://grunnskolinn.com/

Tillaga að deiliskipulagi fyrir urðunarsvæði á Bakkafirði, Langanesbyggð, auk umhverfisskýrslu auglýsist hér með skv. 41. gr. skipulagslaga nr. 123/2010 og 7. gr. laga um umhverfismat áætlana nr. 105/2006.