Vefmyndavélar frá höfninni á heimasíðuna

Nú er lokið við uppsetningu og frágang við vefmyndavélar frá höfnunum á Bakkafirði og Þórshöfn

Nú er lokið við uppsetningu og frágang við vefmyndavélar frá höfnunum á Bakkafirði og Þórshöfn. Hægt er að sjá beina útsendingar frá höfnunum á heimasíðunni hér á síðunni, til hægri undir borðanum Vefmyndavélar - Langanesbyggð.

Tvær myndavélar eru á Þórshöfn, önnur sem sýnir smábátahöfnina og hin sem sýnir innsiglingu og hafskipabryggjuna. Myndin frá Bakkafirði sýnir innsiglingu og löndunarkrana og syðri kant fjær þar sem bátarnir liggja þegar þeir eru við bryggju.