Söngtextar

Jólalögin 2007 Auk hefbundinna jólalaga sem allir þekkja erum við að syngja eftirfarandi lög Við kveikjum einu kerti....Við kveikjum einu kerti á, Hans koma nálgast fer, sem fyrst

Jólalögin 2007

Auk hefbundinna jólalaga sem allir þekkja erum við að syngja eftirfarandi lög

Við kveikjum einu kerti....

Við kveikjum einu kerti á,
Hans koma nálgast fer,
sem fyrstu jól í jötu lá
og jesúbarnið er.

Við kveikjum tveimur kertum á
og komu bíðum hans.
Því Drottin sjálfur soninn þá
mun senda´ í líking manns.

Við kveikjum þremur kertum á
því konungs beðið er,
þótt Jesús sjálfur jötu og strá
á jólum kysi sér.

Við kveikjum fjórum kertum á;
brátt kemur gesturinn
og allar þjóðir þurfa að sjá
að það er frelsarinn.

Jólakötturinn

Þið kannist við jólaköttinn

Sá köttur var gríðarstór

Fólk vissi ´ekki hvaðan hann kom

Eða hvert hann fór

 

Hann glennti upp glyrnurnar sínar

glóandi báðar tvær

Það var ekki heiglum hent

að horfa í þær

 

Kamparnir beittir sem broddar

upp úr bakinu kryppan há

og klærnar á loðinni löpp

var ljótt að sjá

 

Því var það að konurnar kepptust

við kamba og vefstól og rokk

Og prjónuðu litfagran lepp

eða lítinn sokk

 

Klukkurnar dinga linga ling

Klukkurnar dinga linga ling

Klingja um jól

Börnin safnast saman, sungin jólavísa

Komið er að kveldi, kertin jóla lýsa

Klukkurnar dinga linga ling

Klingja um jól

 

Þá nýfæddur Jesús

Þá nýfæddur Jesú í jötunni á

á jólunum fyrstu var dýrðlegt að sjá

Þá sveimuðu englar á himninum hans

því hann var nú fæddur í líkingu manns

 

Þeir sungu hallelúja með hátíðarbrag

nú hlotnast guðsbörnunum friður í dag

Og fagnandi hirðarnir fengu að sjá

hvar frelsarinn okkar í jötunni lá.

 

Ég bið þig ó Drottinn að dvelja mér hjá

að dýrðina þína ég fái að sjá

Ó blessu þú Jesú öll börnin þín hér

að búa þau fái á himnum með þér

 

Nóttin var sú ágæt ein

Nóttin var sú ágæt ein

í allri veröld ljósið skein

það er nú heimsins þrautarmein

að þekkja´ hann ei sem bæri

 

Með vísnasöng ég vögguna þína hræri

Með vísnasöng ég vögguna þína hræri

 

Bjart er yfir Betlehem

Bjart er yfir Betlehem

blikar jóla stjarna

Stjarnan mín og stjarnan þín

stjarna allra barna

Var hún áður vitringum

vegaljósið skæra

Barn í jötu borið var

barnið ljúfa kæra

 

Víða höfðu vitringar

vegi kannað hljóðir

Fundið sínum ferðum á

fjöldamargar þjóðir

Barst þeim allt frá Betlehem

birtan undur skæra

Barn í jötu borið var

barnið ljúfa kæra

 

Barni gjafir báru þeir

blítt þá englar sungu

Lausnaranum lýstu þeir

lofgjörð drottni sungu

Bjart er yfir Betlehem

blikar jólastjarna

Stjarnan mín og stjarnan þín

stjarna allra barna.

 

Skín í rauðar skotthúfur

Skín í rauðar skotthúfur

skuggalangan daginn

Jólasveinar sækja að

sjást um allan bæinn

Ljúf í geði leika sér

lítil börn í desember

Inni´ í friði og ró

úti´í frosti og snjó

því að brátt koma björtu jólin

bráðum koma jólin.

Söngtextar

Óðurinn til gleðinnar

Fagra gleði, guða logi

Gimlisdóttir, heill sé þér.

Í þinn hásal, hrifnir eldi

heilög gyðja, komum vér.

Þínir blíðu, töfrar tengja

tískan meðan sundur slær.

Allir bræður aftur verða

yndisvængjum þínum nær.

Sumri hallar

Sumri hallar, hausta fer,

heyri snjallir ýtar,

hafa fjallahnjúkarnir

húfur mjallahvítar.

 

Girnast allar elfur skjól

undir mjallar þaki,

þorir varla að sýna sól

sig að fjallabaki.

 

Verður svalt því veðri er breytt,

vina eins er geðið,

þar sem allt var áður heitt,

er nú kalt og freðið  

 

Sestu hérna sólskinsbarn,

sumar hjá þér dvelur,

meðan haustsins gráa garn

grösin jarðar felur