Samstarfsnefnd um sameiningu hvetur íbúa til að nýta kosningaréttinn

Laugardaginn 26. mars verður kosið um sameiningu Langanesbyggðar og Svalbarðshrepps. Samstarfsnefnd um sameiningu hvetur íbúa til að tjá hug sinn í kosningunum og nýta kosningaréttinn. Ennremur að kynna sér það efni og upplýsingar sem settar hafa verið á heimasíðuna undir heitinu "Sameiningarviðræður 2022".  Þar er ýmis fróðleikur sem nefndin hefur viðað að sér og nefndin hvetur íbúa til að kynna sér. 

Kjörfundir verða sem hér segir:

Á Þórshöfn: Í Félagsheimilinu Þórsveri frá kl. 10 - 18
Á Bakkafirði: Í skólahúsnæðinu (skrifstofu bakatil) frá kl. 10 - 18
Í Svalbarðshreppi: Í Svalbarðsskóla frá kl. 10 - 18

Kjörskrár liggja frammi á skrifstofum sveitarfélaganna. Atkvæðagreiðsla utan kjörfundar er hjá öllum sýslumannsembættum á landinu.
Talning hefst þegar kjörfundi lýkur.