Óveruleg breyting á aðalskipulagi Langanesbyggðar 2007 - 2027 - Námur

Sveitarstjórn Langanesbyggðar samþykkti á fundi sínum þann 5. maí 2020 tillögu að óverulegri breytingu á aðalskipulagi sveitafélagsins. Breytingin felur í sér aukna efnistöku í námum í Miðfirði 1 og Miðfirði 2 vegna framkvæmda við endurbyggingu Norðausturvegar um Finnafjörð og Bakkafjörð.

Breytingin er talin óveruleg sbr. 2. mgr. 36. gr. skipulagslaga nr. 123/2010 þar sem hún hefur ekki í för með sér verulegar breytingar á landnotkun eða mikil áhrif á nærliggjandi byggð og umhverfi.

Breytingin hefur verið send Skipulagsstofnun til staðfestingar. Þeir sem óska nánari upplýsinga um tillöguna og niðurstöðu bæjarstjórnar geta snúið sér til skrifstofu Langanesbyggðar, Fjarðarvegi  3 á Þórshöfn.

13. maí 2020

Sveitarstjóri Langanesbyggðar