Matarskemman á Laugum og Þekkingarnet Þingeyinga auglýsa:

Dagana 21. og 22. apríl verður Óli Þór Hilmarsson sérfræðingur hjá Matís með eftirfarandi námskeið og fundi í Matarskemmunni á Laugum

Matarskemman á Laugum og Þekkingarnet Þingeyinga auglýsa:

Dagana 21. og 22. apríl verður Óli Þór Hilmarsson sérfræðingur hjá Matís með eftirfarandi námskeið og fundi í Matarskemmunni á Laugum:

Þriðjudaginn 21. apríl kl. 14-17.
Innra eftirlit í matvælavinnslu Kynning á hugtakinu „Innra eftirlit matvælafyrirtækja“ Farið verður í eftirfarandi þætti:

• HACCP gæðakerfið 
• Ábyrgð stjórnenda 
• Fyrstu skrefin í innleiðingu innra eftirlits 
• Persónulegt hreinlæti starfsfólks 
• Gæðahandbókin yfirfarin m.t.t. húsnæðis, mælinga, skráninga, viðbrögð við frávikum, innkallanir, innri úttekta, meindýravarna, þrifaáætlana og krafna um merkingar matvara 
• Kennd sýnataka umhverfissýna með RODAC skálum og lýst aflestri af þeim

Námskeiðsgjald kr. 5.000 – Hámark 10 þátttakendur

Þriðjudaginn 21. apríl kl. 20-22.Heimavinnsla matvæla, hvað þarf til?
Hverju þarf að huga að áður en heimavinnsla afurðagetur hafist? Spjallfundur um málefnið, hvað er verið að gera í dag, má bæta það, hvert stefnum við, hvað vill neytandinn? Fundarefni m.a.

• Opinber leyfismál 
• Sérstaða framleiðslunnar 
• Sérmerkingar, uppruni eða gæðamerki 
• Framleiðslan í dag Framtíðin?

Opinn fræðslufundur – ókeypis aðgangur

Miðvikudaginn 22. apríl kl. 10-17. Námskeið í fullvinnslu og arðsemisútreikningi á lambakjöti
Á þessu verklega námskeiði verður farið í eftirfarandi þætti:

• Sundurhlutun á lambsskrokk miðað við hefðbundna 7 parta sögun 
• Læri 1. Úrbeinað á hefðbundin hátt, fyllt og sett í net 
• Læri 2. Úrbeinað, innralæri tekið frá og snyrt, flatsteik snyrt, skanki tekinn sér, létt saltaður og kryddaður fyrir grill. 
• Hryggur úrbeinaður í hryggvöðva með fitu og hreinsuðum lundum 
• Slög úrbeinuð, söltuð og sett í net 
• Frampartur 1. Bógur tekinn frá, sýnd snyrting fyrir þurrverkun, framhryggur snyrtur sem steik 
• Frampartur 2. Sagaður í hefðbundið súpukjöt, eða úrbeinaður í steik með armbeini og kryddaður, eða úrbeinaður og upprúllaður 
• Skrokkur og allir partar og afurðir úr þeim, fyrir og eftir úrbeiningu, eru vigtaðir og gerðir arðsemisútreikningar.

Viðauki, ef tími vinnst til

• Farið yfir helstu atriði söltunar 
• Gera pækil fyrir rúllupylsu 
• Grafa hryggvöðva eða innralæri 
• Söltun, hráverkun og pylsugerð

Námskeiðsgjald kr. 10.000 – Hámark 5 þátttakendur. Ath. Þátttakendur þurfa að koma með lambsskrokk sem þeir vinna með á námskeiðinu. Skráning á námskeiðin er hjá Jóhönnu Magneu Stefánsdóttur í síma: 863 3381.
Síðasti skráningar dagur er 19. apríl.