Kæru íbúar Langanesbyggðar

Við á Hjúkrunar- og dvalarheimilinu Naust leggjum ávallt mikinn metnað í að veita skjólstæðingum okkar góða og faglega þjónustu. Hluti af því er að leitast sífellt eftir að bæta við okkur þekkingu og reynslu.

Því hafa starfsmenn á Nausti ákveðið að leggja land undir fót næstkomandi vor og ferðast til Hollands. Tilgangur ferðarinnar er að læra meira um heilabilun með því að heimsækja Alzheimers þorpið The Hogeweyk.

Að heimsækja Alzheimers-þorpið De Hogeweyk í Hollandi veitir starfsfólki á sviði öldrunar- og heilabilunarþjónustu, líkt og þeim sem starfa á Hjúkrunar- og dvalarheimilinu Naust, dýrmætan ávinning í formi nýrrar nálgunar og hugmyndafræði:

• Innsýn í afstofnanavædda umönnun: Starfsfólk fær að sjá hvernig hægt er að færa sig frá hefðbundnu, klínísku stofnanaumhverfi yfir í eðlilegra samfélags- og heimilismódel (e. normalization). Í Hogeweyk búa íbúar í litlum hópum og taka þátt í daglegu heimilishaldi sem dregur úr kvíða og eflir sjálfræði.
• Lærdómur um lífstílsmiðaða umönnun: Þorpið skiptir íbúum upp eftir ólíkum lífstílshópum (t.d. menningarlegum, handverks- eða hefðbundnum) sem byggja á fyrra lífi þeirra. Þetta kennir starfsfólki hvernig megi dýpka einstaklingsmiðaða umönnun á eigin vinnustað.
• Aukin lífsgæði og virkni sem meðferð: Heimsóknin sýnir fram á hvernig frelsi til að hreyfa sig óhindrað um öruggt svæði (svo sem garða, matvörubúð eða kaffihús) eykur vellíðan íbúanna og getur minnkað þörf á róandi lyfjum.
• Fagleg hvatning og verkfæri: Fyrir heilbrigðisstarfsfólk (líkt og sjúkraliða og aðhlynningarfólk á Norðurlandi sem hafa sótt sambærilegar námsferðir þangað) gefur slík reynsla ný tól og aukinn innblástur til að innleiða virkni, hreyfingu og meira frelsi í daglega umönnun heima á Íslandi.

Mikil og góð reynsla fæst af því að fara í slíka fræðslu ferð og mun þetta vera sú fyrsta sem Naustar starfsfólk leggur í .
En slíkar ferðir kosta dágóðan skilding.
Svo við ákváðum að gott væri að senda bréf á bæinn okkar og láta ykkur öll vita að á komandi mánuðum munum við standa fyrir ýmsum fjáröflunum.
Við verðum með ýmsar uppákomur í samstarfi við Karen á Holtinu, bás á jólakúlunni og fleira. 19 desember verður haldið Bingó á Holtinu. 18+

Fyrirfram þakkir fyrir veittan stuðning

Starfsfólk á Hjúkrunar- og dvalarheimilinu Naust