Auglýst eftir aðilum til grenjaleita og grenjavinnslu

Langanesbyggð óskar eftir aðilum til að sjá um grenjaleit og grenjavinnslu á eftirtöldum svæðum:

• Svæði 1. frá Brimnesá að Fonti.
• Svæði 2. Utan Brekknaheiði að Brimnesá.
• Svæði 12. Seljaheiði, Afrétt og Súlur.

Til greina kemur að ráða fleiri en einn aðila innan hvers svæðis í samstarfi við aðra veiðimenn og verða samningarnir til tveggja ára með möguleika á framlengingu.

Skilyrði eru að umsækjendur hafi gild veiðikort, kunnáttu við leit á grenjum, kunnáttu við veiði á ref og hafi til þess búnað sem þarf.

Verðskrá Langanesbyggðar er eftirfarandi:

• Leit á þekktu eða nýju greni: 9.200 kr.
• Skotlaun vegna veiddrar tófu, refs og hvolpa: 19.000 kr.

Umsóknum og afriti af gildu veiðikorti skal skilað á netfangið bjarnheidur.jonsdottir@langanesbyggd.is eða til skrifstofu Langanesbyggðar fyrir 2. maí n.k.

Umsóknareyðublað

Nánari upplýsingar veitir Bjarnheiður Jónsdóttir, skrifstofustjóri Langanesbyggðar í síma 468-1220 eða á ofangreint netfang.