Ábending til skotveiðimanna í upphafi rjúpnaveiðitímabils
23.10.2026
Fréttir
Nú þegar rjúpnaveiðitímabilið er hafið vill Langanesbyggð biðla til skotveiðimanna að haga veiðum sínum þannig að þær skapi ekki hættu eða valdi íbúum ónæði. Skoteiðimenn eru hvattir til að forðast skotveiðar í eða nálægt byggð, útivistarsvæðum og öðrum svæðum þar sem búast má við að fólk sé á ferðinni.
Samkvæmt lögum og reglum um meðferð skotvopna er óheimilt að nota skotvopn með þeim hætti að hætta geti skapast fyrir fólk, búfé eða eignir. Jafnframt skal gæta þess að veiðar valdi ekki óþarfa ónæði vegna skothávaða. Almennt skal leita heimildar landeiganda fyrir skotveiðum og landeigendum er heimilt að takmarka eða banna veiðar á landi sínu.