Stjórnsýsla

Hópatferli andarunga

Samtök náttúrustofa standa fyrir fræðsluerindi um hópatferli andarunga fimmtudaginn 26. janúar nk. Fylgjast má með erindinu í Menntasetrinu á Þórshöfn í fjarfundarbúnaði.

nánar
 
 

Með blóti vér blíðka þurfum hann

Þá er þorrinn genginn í garð. Loksins, myndi kannski einhver segja, enda er þorrinn gósentíð þeirra sem hafa þörf fyrir að slafra í sig vel geymdum mat og drekka með því helst helling af brennivíni. Aðrir, hugsanlega fleiri, þreyja hinsvegar þorrann og geta vart beðið eftir að þessi tíð súrmetis og ammoníaks líði og við taki Góan með vorinu innan seilingar. Karlpeningurinn hugsar sér gott til glóðarinnar einmitt í dag, bóndadag, enda má ætla að karlmenn flestir komi heim úr vinnu í dag í ilmandi hreingerð hús, í faðm snyrtilegra og vel til hafðra eiginkvenna, heim til prúðra og kurteisra barna, brakandi steik í ofninum, kaldur á kantinum og leikurinn í sjónvarpinu. Áfram Ísland! Lifi karlmenn!

Annars ætti enginn að reyna að hafa um þorrann fátækleg orð þegar um þessa fornu tíð hefur fyrir löngu verið sagt það sem segja þarf:

nánar
 
 

Margt spennandi hjá Menntasetrinu

Mánudaginn 6. febrúar verður boðið uppá endurlöggildingarnámskeið vigtarmanna í fjarfundi. Námskeiðið tekur allan daginn og endar á prófi. Möguleiki er að opna fyrir námskeiðin á Þórshöfn, Húsavík, Vopnafirði og Neskaupstað. Það er Neytendastofa, í samstarfi við Fiskistofu sem stendur fyrir námskeiðinu, en næstu endurlöggildingarnámskeið verða ekki haldin fyrr en árið 2016. Þeir sem hafa áhuga geta haft samband við Menntasetrið eða beint við Neytendastofu – um að gera að spara ferðakostnaðinn suður! Ef vel tekst til er vonast til að fá grunnnámskeið vigtarmanna til okkar í vor en það verður þá auglýst þegar nær dregur.

Í vikunni sendi Menntasetrið út viðhorfskönnun til íbúa í Langanesbyggð og Svalbarðshreppi sem eru 60 ára og eldri. Við vonumst til að þessu sé vel tekið og sem flestir svari könnuninni.

Þorratilboð til Þórshafnar

Flugfélag Íslands býður sérstökt Þorratilboð á flugi til Þórshafnar dagana 10.-13. febrúar nk. en eins og flestum ætti nú að vera fullkunnugt verður haldið Þorrablót á Þórshöfn þann 11. febrúar nk.

Verð aðeins kr. 9.990 ef flogið er frá Reykjavík og kr. 4.340 ef flogið er frá Akureyri.

Kjörið tækifæri fyrir brottflutta Langnesinga að koma "heim" og verða vitni að óborganlegum skemmtiatriðum, gæða sér á unaðslegum kræsingum og dilla sér á stórkostulegum dansleik.

Tilboðin eru aðeins bókanleg á http://www.flugfelag.is/

Dagskrá unglingadeildar Hafliða á vorönn 2012

Unglingadeild Hafliða stendur fyrir dagskrá fjölbreyttra námskeiða fyrir unglinga nú á vorönn. Fundir eru haldnir hálfsmánaðarlega og eru jafnan í Hafliðabúð. Almennt eru námskeiðin fyrir unglinga á aldrinum 14 til 18 ára. Umsjónarmaður námskeiðanna er Siggeir Stefánsson (s. 894-2608).

Dagskrána má sjá hér að neðan með því að smella á nánar.

Íbúðir í Miðholti til leigu

Langanesbyggð auglýsir til leigu 6 íbúðir í Miðholti 9-19 á Þórshöfn. Um er að ræða 3ja herbergja íbúðir, sem hver um sig er tæpir 94 fermetrar að flatarmáli.
Leiga á íbúðum nr. 9, 13, 15 og 19 er kr. 122.200 á mánuði.
Leiga á íbúðum nr. 11 og 17 er kr. 112.800 á mánuði

Umsóknareyðublöð má nálgast á skrifstofu Langanesbyggðar, Fjarðarvegi 3 á Þórshöfn, eða á heimasíðu sveitarfélagsins.

Þeir sem þegar hafa lagt inn umsóknir um leigu á íbúðunum eru vinsamlega beðnir um að staðfesta umsóknir sínar.

Athygli er vakin á að íbúðirnar verða til sýnis föstudaginn 20. janúar frá kl. 15-18.

Gunnólfur Lárusson, sveitarstjóri Langanesbyggðar.

Umræðufundur um byggðakvóta

Umræðufundur um byggðakvóta í Langanesbyggð, fiskveiðiárið 2011/2012, verður haldinn í félagsheimilinu Þórsveri á Þórshöfn, fimmtudaginn 19. janúar 2012, kl. 18:00.

Allir hagsmunaaðilar velkomnir.

Gunnólfur Lárusson, sveitarstjóri Langanesbyggðar.

Aðalfundur Hvatarkvenna

Kvenfélagið Hvöt á Þórshöfn boðar til aðalfundar mánudaginn 23. janúar 2012, kl. 18:00 í safnaðarheimili Þórshafnarkirkju.

Dagskrá fundarins:

1. Venjuleg aðalfundarstörf
2. Önnur mál

Súpa, brauð og spjall eftir að formlegum fundi lýkur. Vonumst til að sjá sem flestar kvenfélagskonur. Nýjar konur eru sérstaklega boðnar velkomnar.

Stjórnin.