Skeggjastađakirkja

Skeggjastađakirkju er fyrst getiđ í kirknaskrá Páls biskups Jónssonar frá ţví um 1200. Skeggjastađakirkja er í Skeggjastađaprestakalli í Múlaprófastsdćmi.

Skeggjastađakirkja

Skeggjastaðakirkju er fyrst getið í kirknaskrá Páls biskups Jónssonar frá því um 1200.

Skeggjastaðakirkja er í Skeggjastaðaprestakalli í Múlaprófastsdæmi. Skeggjastaðir eru bær, kirkjustaður og prestssetur við Bakkafjörð á Langanesströnd. Kirkjan, sem nú stendur, er úr timbri, Skeggjastaðakirkja var byggð árið 1845 og er elst kirkna á Austurlandi eða 160 ára. Sr. Hóseas Árnason sem var prestur á Skeggjastöðum1839-1859 stóð fyrir byggingu kirkjunnar.

Talið er, að Ólafur Briem timburmeistari á Grund í Eyjafirði hafi teiknað kirkjuna, en yfirsmiður var Guðjón Jónsson, snikkari á Akureyri. Kirkjan er úr rekaviði sem fluttur var frá Skálum á Langanesi, Hún tekur u.þ.b. 100 manns í sæti.

Þakið er úr timbri, rennisúð að utan en skarsúð að innan, póstaþil er inni. Það var enginn turn á kirkjunni upphaflega, en hann ásamt viðbyggingu bættist við, þegar hún var tekin til gagngerðrar viðgerðar 1961-62. Í viðbyggingunni er forkirkja og skrúðhús. Kirkjunni var lyft og hún stendur nú á steyptum grunni. Gréta og Jón Björnsson skreyttu hana og máluðu. Prédikunarstóllinn er danskur, líklega frá fyrri hluta 18. aldar. O. Knippel málaði altaristöfluna 1857.

Sr. Sigmar Ingi Torfason þjónaði söfnuðinum í 44 ár,  1944-1988.  Bók sr. Sigmars, “ Skeggjastaðir Kirkja og prestar ” 1591-1995 segir sögu kirkjunnar og þeirra presta sem þjónuðu þessi ár.  Bókin er til á bókasafni Grunnskólans á Bakkafirði.

Svćđi

468 1220

Langanesbyggđ

Fjarđarvegi 3, 680 Ţórshöfn
Sími: 468 1220 | Bréfssími: 468 1323
Kennitala: 420369-1749
Netfang: sveitarstjori(hja)langanesbyggd.is

Póstlisti

Skráđu netfangiđ ţitt á póstlistann okkar